Cəfərim Mənim

 

Cəfər Cabbarlının əziz xatirəsinə

 

Ustad sadiq qaldı öz ilqarına,

Milyonlar bir mizrab vurur tarına.

Sənin könül adlı söz diyarına

Düşübdür yenə də güzarım mənim.

 

Əlimə ilk qələm aldığım günü

Hürkütdün gözlərdə yatan mürgünü.

Ucalt, göyə qaldır sənət mülkünü,

Cəfərim, Cabbarlım, zəfərim mənim.

 

Dəryadan dərinsən, göydən qəlbisən,

Bir zümrüd quşusan, uçuşunla sən.

Elxanı, Yaşarı, Almazı sevən,

Sevili sevdirən Cəfərim mənim..