Nəğməkar Qız
Unudulmaz müğənnimiz
Şövkət xanım Ələkbərvaya
həsr edirəm.
Ötən bulud, əsən külək, coşan dəniz, dinlə bir an,
Həsrətini çəkdiyim qız şirin-şirin oxuyur.
Onun səsi yerin-göyün ürəyini dindirir.
Görəsən o oxuduqca nə düşünür, nə duyur?
Nəqarət
Pəncərəmdən aymı baxır, yoxsa o qız, görəsən?
Yoxsa onun nəfəsidir ləpələrə toxunan?
Sevdalı qız, gur səsinlə bir də oxu, bir də sən,
Yoxsa mənim saf eşqimdir bu nəğmədə oxunan?
Çox çıxmıram gül eyvana, duyuq düşər qonşular,
Sən susursan, Ay gizlənər, bulud çökər qəlbimə.
Mən cavan bir sənətkaram, sənsə gözəl nəğməkar,
Bizim həyat nəğməmizdir oxuduğun bu nəğmə.
|