Oğluma
Rəssəm
İlham İslam oğlu Səfərliyə
Ayaq tutub gəzdikcə sən,
Qəlbim gülür sevincimdən.
Səni basıb bağrıma mən,
Deyirəm ki, oyna, bala,
Qurbanam boyuna, bala!
Bir-birindən xoş gəlir il,
Ürəyimdə yoxdur nisgil.
Göz muncuğu gərək deyil,
Yalan sözdür nəzər, bala,
Ey özümə bənzər bala!
Yetişmişəm hər kamıma,
Vurulmuşam dövranıma.
Mən də körpə İlhamıma
Deyirəm ki, - Sevin, bala,
Bəzəyisən evin, bala!
|